©Sergi Cámara

O dereito á educación debe ser protexido en todas as circunstancias.

Cada vez son máis as persoas que se ven obrigadas a abandonar os seus fogares e países en todo o mundo, moitos deles nenos e nenas que teñen que abandonar as súas casas e escolas por mor da guerra, a violencia, as desastres naturais ou a pobreza.

Ante esta situación, os Estados e a comunidade internacional están obrigados a adoptar as medidas necesarias para respectar, protexer e garantir o seu dereito á educación, que garanta a integración da infancia, a construción da paz e transformación social.

Por iso, pedímoslle aos representantes políticos nacionais e á Comunidade Internacional:

1.

Que garantan o dereito a unha educación de calidade da infancia e adolescencia migrada e desprazada sen excepción, independentemente da súa situación administrativa.

2.

Que garantan a acollida inmediata e a inclusión educativa a curto, medio e longo prazo dos nenos, nenas e adolescentes migrados e refuxiados.

3.

Que aumenten o nivel de financiamento e os orzamentos públicos para educación, especialmente aqueles destinados a garantir a equidade e a inclusión educativa.

4.

Que a Cooperación Española se oriente a garantir o Obxectivo de Desenvolvemento Sostible 4, a través, entre outros e fundamentalmente, da educación en situacións de emerxencia e a través da educación básica, seguindo a Lei de Cooperación e Solidariedade Global, recentemente aprobada, que marca o camiño do investimento en cooperación na senda do 0,7 % do PIB.

5.

Que destinen fondos suficientes de axuda humanitaria e de desenvolvemento para satisfacer as necesidades educativas das persoas migrantes e desprazadas máis aló das fronteiras nacionais.

6.

Que presten apoio económico e de coordinación para facer efectivos os dereitos recoñecidos na Directiva de Protección Temporal do 18 de marzo de 2022 á poboación ucraína que se viu obrigada a abandonar o seu fogar e facela extensiva a outras persoas doutras nacionalidades na mesma situación de mobilidade forzosa, sen discriminación.

7.

Que reforcen o sistema de axuda á educación para América Latina e os países e comunidades de acollida do éxodo venezolano e para África e os países de acollida dos procesos migratorios que se dan no continente.

8.

Que garantan ambientes escolares acolledores e seguros para os nenos, nenas e adolescentes migrantes e refuxiados e reforcen a sensibilidade cultural dos sistemas educativos para promover a diversidade como un valor.

9.

Que garantan a formación do profesorado para que teñan ferramentas para xestionar contornas diversas, plurilingües e interculturais e lle dean importancia ao papel da educación para a cidadanía global.

10.

Que reforcen as capacidades de acompañamento psicosocial e educación emocional da comunidade educativa. A saúde mental e socioemocional é un compoñente fundamental para os nenos, as nenas e adolescentes migrado e o coordinador de benestar e protección nos contornos tanto formais como non formais resulta fundamental.

Apoia a nosa causa.

Infórmate para sumar o teu apoio.

Descarga os nosos Informes sobre educación en situacións de emerxencia para coñecer máis sobre a situación do dereito á educación en contextos de acción humanitaria e de desprazamento e a importancia da escola como acollida e integración. 

Escola refuxio, escola que acolle. Desafíos para garantir a acollida educativa da infancia e a mocidade en mobilidade forzosa.

Escolas que constrúen a paz. Espazos de protección e garantía dos dereitos dos nenos refuxiados.

Escolas que protexen.
A resposta a persoas refuxiadas no Líbano en tempos de pandemia e crise educativa.

O dereito á educación en contextos de Acción Humanitaria.

A educación é ACOLLIDA.

©BÁRBARA GIL Entreculturas